ბუნებრივი ეფექტიანობა
65 წელზე მეტია, Yon-Ka მცენარეებისადმი ინტერესს მსოფლიოს მომხმარებლებსა და კოსმეტოლოგებს უზიარებს. სახის, სხეულის და მზისგან დამცავი ფიტოარომატული საშუალებები აერთიანებს არომათერაპიის, არომაქოლოგიის, ფიტოთერაპიისა და გემოთერაპიის სარგებელს.
ჩვენი მიზანია, ქალებსა და მამაკაცებს ნებისმიერ კლიმატში შევთავაზოთ ბუნებრივი რესურსების თვალსაჩინო და ხანგრძლივი ეფექტი. თითოეულ აქტიურ ინგრედიენტს მეცნიერულად ვაანალიზებთ და მის დოზას ისე ვადგენთ, რომ კანს წონასწორობის აღდგენაში, პრობლემების შემსუბუქებასა და დაბერების ნიშნების შენელებაში დაეხმაროს.
თითოეული პროდუქტის ეფექტიანობას — კანის გამკვრივებას, ნაოჭების შემცირებას, დატენიანებას, გლიკაციის საწინააღმდეგო და ანტიოქსიდანტურ მოქმედებას, ლაქების შემცირებას და სხვა ეფექტებს — დამოუკიდებელი ლაბორატორიების კვლევები ობიექტურად ადასტურებს.
- ობიექტური ტესტები ინსტრუმენტული გაზომვებით
- ეფექტიანობისა და ამტანობის ტესტები დერმატოლოგიური კონტროლით
- ტესტები უჯრედულ კულტურებსა და კანის ქსოვილის ნიმუშებზე
ფორმულების სრულყოფა
მკაცრი სტანდარტებისა და ფარმაცევტული წესების დაცვით, ჩვენი ექიმები, ფარმაცევტები, ქიმიკოსები, ბიოლოგები და მიკრობიოლოგები ქმნიან ფორმულებს ინგრედიენტების ზუსტი კონცენტრაციით. ეფექტიანობასა და უსაფრთხოებას შორის სათანადო ბალანსი თვალსაჩინო და ხანგრძლივ შედეგებს უზრუნველყოფს.
ჩვენი ფორმულები გლუტენს არ შეიცავს და უმეტესად ვეგანურია. მათში ბუნებრივი წარმოშობის ინგრედიენტების წილი საშუალოდ 92%-ია. შეძლებისდაგვარად ორგანული ინგრედიენტები გვირჩევნია. თითოეულ ინგრედიენტს ჩვენი ლაბორატორიები მკაცრად არჩევენ და ამოწმებენ ფიზიკურ-ქიმიური და მიკრობიოლოგიური მაჩვენებლებით.
ჩვენი წესდება აკმაყოფილებს უმკაცრეს საერთაშორისო მოთხოვნებსა და სტანდარტებს. ის კრძალავს პარაბენების, მეთილიზოთიაზოლინონის (MIT), ალუმინის მარილების, ბუტილჰიდროქსიანიზოლის (BHA), ნატრიუმის ლაურილსულფატის (SLS), ფტალატების, ტრიკლოზანის, გენმოდიფიცირებული ორგანიზმებისა და დადასტურებული ენდოკრინული დამრღვევების* გამოყენებას. ჩვენ მუდმივად გადავხედავთ ფორმულებს, რათა მათში ბუნებრივი წარმოშობის ინგრედიენტების წილი მაქსიმალურად გავზარდოთ.
ჩვენი 100%-ით ფრანგული ბრენდი წარმოების ყველა ეტაპზე იცავს GMP – ISO 22716 ხარისხის სტანდარტს.
*ჯანმრთელობის მსოფლიო ორგანიზაციის განმარტებისა და ქიმიკატების ევროპული სააგენტოს (ECHA) სიის მიხედვით.
სპა პროცედურების გამოცდილება
სპა ცენტრებში და სილამაზის ინსტიტუტებში ჩვენს პროცედურებს მრავალწლიანი გამოცდილება და მოვლისა და კეთილდღეობის ჰოლისტიკური ხედვა უდევს საფუძვლად. დახვეწილი პროტოკოლები, აღმოსავლური და დასავლური ტექნიკა, უნიკალური მეთოდები და ხელითა და ინსტრუმენტებით შესრულებული ტექნიკის კომბინაცია ამ მიდგომის ნაწილია. ამ მეთოდებს ჩვენს პარტნიორ კოსმეტოლოგებსა და სახისა და სხეულის მოვლის სპეციალისტებს ვასწავლით, რათა პროცედურებმა თვალსაჩინო შედეგი და დასვენების სასიამოვნო წუთები მოგიტანოთ.
Yon-Ka-ს თითოეულ პროცედურაში ერთმანეთს ერწყმის სპეციალისტის გამოცდილი ხელები, ეფექტიანი ინსტრუმენტები და სურნელოვანი ეთერზეთები.
განსხვავებას Yon-Ka-ს პირველივე პროცედურიდან იგრძნობთ. კანი შესამჩნევად უფრო ნათელი და გლუვია, შეხებისას კი უფრო ნაზი და მკვრივი. ის მაკიაჟის გარეშეც ლამაზად გამოიყურება. კანის ტექსტურა უმჯობესდება და სახის ფერი უფრო ნათელი ხდება.
მრავალსენსორული გამოცდილება
Yon-Ka-ს პროცედურები სურნელოვანი, ჰოლისტიკური და ინდივიდუალურად მორგებული გამოცდილებაა, რომელიც კანის მოვლის ეფექტიანობას მრავალი შეგრძნების ერთდროულად გააქტიურებას უთავსებს.
როდესაც ეფექტიანობას სიამოვნება ერწყმის, კანი ბზინვარებას იბრუნებს, დაღლილობის ნიშნები მცირდება და დაძაბულობა მასაჟისა და ლავანდის, ტკბილი ფორთოხლის, როზმარინის, ჟასმინისა და Yon-Ka Quintessence-ის დამამშვიდებელი თუ გამამხნევებელი ეთერზეთების ზემოქმედებით იკლებს.
კეთილდღეობის ამ წუთებს ჩვენი კლიენტები ასე აღწერენ: „Yon-Ka-ს პროცედურის შემდეგ თავს კარგად ვგრძნობ და ეს გარეგნობაზეც მეტყობა.“
მდგრადობის ვალდებულებები
ჩვენ პატივს ვცემთ ბუნებასა და ადამიანებს, რომლებიც მის დასაცავად მუშაობენ. ამიტომ ჩვენი ლაბორატორიები უპირატესობას ანიჭებენ მდგრად მიწოდების ჯაჭვებს, რომლებიც ბიომრავალფეროვნებასა და გარემოს უფრთხილდებიან.
ჩვენი საქმიანობის რამდენიმე მაგალითი
- წარმოებაში გამოყენებული მცენარეების უმეტესობა საფრანგეთში გვხვდება, მათ შორის ლავანდა, უკვდავა, კვიპაროსი, ბრეტანის წყალმცენარეები, წიფლის კვირტები და არნიკა.
- ჩვენი კონტეინერები, კოლოფები, საინფორმაციო ფურცლები და მინის ბოთლები 100%-ით გადამუშავებადია.
- ასოციაცია Un Toit Pour Les Abeilles-თან ერთად ვაფინანსებთ ყვავილების მინდვრების გაშენებასა და სკების განთავსებას და ხელს ვუწყობთ ფუტკრის ოჯახების გამრავლებას.
- 2017 წლიდან ვთანამშრომლობთ ასოციაცია Ruban Rose-თან და მონაწილეობას ვიღებთ მისი პრემიის დაფინანსებაში, რომელიც ძუძუს კიბოს კვლევას უწყობს ხელს.